作為職場Taylor Swift，以前嘅我的確有舖寫ex嘅癮。 後生嗰陣曾經因為一個成日迫我OT嘅潔癖老闆而自編自導咗一齣小舞台劇嚟醜化佢，ex老闆睇完第日即刻問我係咪寫緊佢。 又曾經因為工作關係接觸到香港職場終極大佬，當時佢嗰種自負嘅打工妹仔氣質，令我寫咗個連演十幾場嘅舞台劇開心share，但估唔到佢19年嘅所作所為仲荒誕過個劇本。 亦曾經喺一間工作同壓力都幾大嘅公司度做，每隔幾個月就有同事跳樓，因為咁而喺辭職之後，寫咗篇地府KK園嘅鬼故嚟紀念返呢件事。 但今日竟然無乜想寫淨係有少少嘢想講。 總之就算做錯幾多決定都好，至少誠實對面自己感覺，係我做過最啱嘅事。 所以亦都無謂矯情講再見。 不過都衷心多謝同我真心講再見嘅朋友。 年紀大咗無力寫憤世疾俗嘢，但都係要記住呢啲難得嘅善意。