今日去咗上香港噶當巴禪修中心「放下過度思考」嘅堂。大師講到，當我哋見到某個對象，生起一啲負面嘅感受時，我哋就會將呢個感受同情緒，歸因於嗰個／嗰啲對象，佢舉咗啲例子，其中包括政府。佢話除咗呢啲令你生起感受嘅對象，我哋內心其實都有呢啲感受嘅種子，我哋自己如果可以好好控制自己嘅心，憤怒就冇咁容易升起。 呢度就係問題，所以我見到有人傷害其他人，我憤怒係我控制得唔好？我見到有無辜嘅人被欺壓，我憤怒係我修行唔夠？兩者根本冇衝突。大師話，我哋可以用兩個心去做禪修，一個係思維嘅心，一個係觀察嘅心，而我就係用緊觀察嘅心，睇到呢個社會嘅欺壓同傷害，以及因此而生嘅憤怒。 因為有呢個憤怒，所以先會挺身而出，希望幫助嗰啲無助嘅人。 佛教講慈悲心、世界大同，正因為視他人如己，所以見到有啲問題先會憤怒。或者大師只係舉下例，佢未必係有否定嘅意思，但至少我自己有呢個思考，亦都好想提醒住自己，呢個思考好重要，因為空穴來風，有（好多）人憤怒，都係因為有（好多）唔公義嘅事情發生。 未必知道可以做到啲乜嘢，去面對或者解決呢啲問題，但至少我可以見到呢個諗法，見到都係重要嘅。📝