如果呢個世界真係有神，佢又真係咁愛世人， 點解你要世人我受咁多病痛嘅折磨😞？好多人安慰我，都會同我講你唔好咁唔開心啦、唔好怨咁多啦、呢個世界上大把人比你更差更病啦…. 首先如果你覺得你咁樣係可以安慰到我嘅，我寧願你唔好講任何嘢🙅‍♀️…冇病冇痛嘅你哋係唔會明白我嘅心情。我講緊唔係純粹肉體上嘅痛楚，係精神上嘅折磨🥺。我病講緊唔係一日半日，係整整二十幾年….近期病情又有變，我哩兩個月已經入咗三次醫院，腹部長期疼，出血兩日後又變回正常，如是者反反覆覆咁出血、正常、出血、正常咁無限輪迴。大腸、泌尿系統CT已經照咗，問咗醫生又話搵唔到原因，話要等埋照Cystoscopy…總之就冇一個醫生可以解答到我嘅問題😮‍💨個個都喺度兜圈⋯⋯我真係好無奈，究竟有冇一個醫生可以真正幫到我？ 我總係覺得自己好似成日處於一個睇唔到岸嘅大海， 捉住塊浮板，永遠都半浮半浸。浪就一直無停止咁湧過嚟，永遠一浪未停一浪又起。 我之後會又開始去見心理醫生因爲我有PTSD。（哩個PTSD來源係關乎醫生醫德嘅故仔。）今個月我仲要返醫院幾次，我真係好攰好攰。多得有Threads,我起碼可以發洩一下情緒。I need to rant…😩