自細係教會學校讀書，加上屋企人係好虔誠嘅天主教徒，耳濡目染會覺得依個世界有「神」嘅存在，相信苦難係「神」俾人嘅考驗，「神」會陪人渡過一切難關。 但慢慢覺得，如果「神」係愛世人，「神」係全知全能，咁當初阿當夏娃未食禁果，「神」已經知道佢地會食啦，咁仲擺棵蘋果樹出嚟，算唔算陰9佢地？點解食完蘋果就話佢地（包括全人類）有罪，然後要派獨生子嚟救贖世人？咁算唔算自編自導自演？ 我覺得心靈夠強大嘅人其實唔洗信宗教，或者一個人冇事冇幹唔會去尋求宗教嘅慰藉、唔洗求神拜佛。冇嘢係自己控制唔到，就毋需要向超自然嘅方向搵答案。 所以依個世界神係存在嗎？可唔可以有啲idea衝擊下我嘅思想？