20250215 & 20250216 在天台上冥想的蜘蛛 15號睇完晏晝場感受到套劇係講香港，亦帶有雙關講戲劇本身，但同時感覺有好多subtext未能讀懂，感受好深但理解得唔透切，所以決定買埋尾場二刷，點知有意外收穫，同潘sir同場、四位演員完show後都有講感言(好感動🥹)、完場後仲有得一齊飲香檳。 睇第二次理解多咗劇本，亦留意多咗舞台細節，比如講對面嘅時候小電視show咗匯豐logo；講去月球搭棚講到上市；片場隻螞蟻條命唔重要，因為更重要嘅係場戲用咗幾多錢；到最後陳露同小燕蛻變成蜘蛛嘗試捉緊主線，張天則費盡氣力打開雪櫃搵錦囊，彷彿在講應全情投入角色感受行先，抑或該盡力跟隨劇本嘅一字一句。兩者並冇對錯之分，畢竟大家都「做一件事」。 白清瑩演嘅陳露喺劇中喊咗幾次，雖然當刻未理解到點解，但有深深被打動。 搭完個棚過唔過到對面唔重要，能否上月球唔重要，甚至乎有冇離開過天台都唔重要，重要嘅係四人曾合力完成一件事。 朋友話 @alma.meow 令觀眾鍾意潘sir劇本好叻，有好劇本唔等於導得好、演得好，好慶幸第一次睇潘sir劇本係睇黑龍劇場。 願我哋可以搵到呢個時代嘅快樂。