珍姐海鮮火鍋飯店： 移咗民嘅朋友返香港探親指定想食珍姐，就終於的起心肝book位trytry，book位時有幾樣嘢已經可以order（下文會打粒*） *當日屠宰騸牯牛肉 （$420)：切肉前侍應哥哥會拎份未切嘅牛出嚟比食客睇睇先，亦都有介紹一下，有吊龍有匙柄等等。不過信我，到食嘅時候其實會唔多記得，只係會話「呢塊幾鮮甜」、「呢塊有肉味」。 牛四併（$368)：呢個係後來追加，本身無特別想加牛肉，不過侍應哥哥有過嚟同大家傾下計，問大家夠唔夠食（i人注意haha），話如果唔多夠食可以加個牛四併，佢講嗰下我哋未覺得勁飽，但其實回想唔加都得，因為最終真係食到飽到上心口。至於同碟騸牯牛肉係咪味道有好大距離，我又覺得唔算。 *招牌豬骨蜆煲 （$298)：是好L澎拜的，開始打邊爐之前侍應哥哥會每人勺一碗比大家飲，不過個鍋唔算好深，我哋三個人一人一碗之後其實都淨返唔多。個湯飲落都係幾濃的，仲有豬腳仔食下骨膠原骨膠原，不過飲完湯佢再加返新一轉湯，感覺無第一轉飲嘅咁濃，小可惜 爆字，留言續 打邊爐