幾年前係Carousell買咗支結他🎸賣家親手改裝 & relic過 一對答就知五星星賣家🤘🏻解釋詳盡交收又早到🙌🏻 見面係同我年齡相近嘅人 外貌特徵上會估計佢應該係位癌症病人 佢有啲怕醜但係好盡責咁解釋有乜改過 交收完過咗兩日佢主動dm問我maple neck strat手感&聲底啱唔啱😂😂 (係第一次買二手結他有follow up) 我表示係rosewood neck & tele打手🤘🏻上手玩呢支感覺唔係好適合自己 我哋keep住一段時間係Carousell chat room傾結他, p90, amp, John Mayer….. 我聽佢講resell咗支結他 佢仲叫我mark up高啲個價，因為佢之前放好多人知佢on hold就話肯加價買😂 佢：「因為應承咗你，所以當時推晒」🙏🏻🙏🏻 我哋好自然咁冇再對話… 我都搵唔翻chat room Carousell交收咁多次係呢次最有記憶 希望佢有繼續彈結他🎸改到佢想要嘅tone🤘🏻 諗返有啲後悔，好似錯過咗個朋友 又或者咁樣先可以令我記一世