話說頭先一拖二call UberPet帶 🚽廁所保鑣們 去🚿 一嚟到個阿叔就已經話：嘩咁大隻會唔會咬我㗎？ 我即刻問我唔係call Uber pet㗎咩？ 跟住佢話細嘅幾多隻都冇問題呀 大嘅佢會唔會咬我㗎？哎呀我而家好驚好緊張啊，你捉實佢啊！ 抱住咖喱🍛然後控制緊阿薯🥔上車嘅時候 佢完全冇諗住落車幫手 見到我搞一輪都未得佢先落車嚟幫我閂門 如果唔係趕時間，真係想即刻叫過第二架 上到車又係咁講話而家Uber逼佢哋做，我心諗你講乜啊 又話大狗應該call七人車或者GoGoVan 初頭忍唔住駁返佢話咁我call七人車唔代表佢係Uber pet㗎嘛 但我見咁短程 我沉住氣唔想同佢嘈 跟住阿薯唞氣嘅噓噓聲已經唔係好勁嗰種 又話佢係咪唔鍾意我呀 佢係咪就想咬我呀？ 到落車嘅時候就話我過嚟幫你開門，但你睇實佢啊 佢衝落車時會唔會咬我 我奉勸個司機自己同Uber講吓 不如call Uber Pet都有得揀分大狗定細狗 一係你就直程唔好做Uber Pet啦阿叔