王菀之《合體》演唱會 期待左好耐，心入面好想係《水百合》嗰種好重音樂性既show，但我又知佢貪心，好多creative既野都想玩 結果同我所想既一樣，佢將唔同元素都放埋一齊，visual 好正，好多首既編曲都好好，略嫌俾隊band 玩同ad lib 既時間唔夠多，畢竟有Jason Kui, Daniel Chu 同一丁呢d班底都想聽多d； 歌單都唱左d 我想聽既歌，第二part 亦好正，《忘記有時》《大笨鐘》同《我們曾經白頭到老》有唱係開心既，《哥歌》真係少少滴汗，《誅神的黃昏》獨唱版幾爽，最值得講既係《下次愛你》，由本身弦樂版編曲，到《菀之論》驚艷既結他版，到左《合體》演變成對唱版，我只能講林夕份歌詞實在太強大「一起不過是無數次對不起」，但張生甩嘴真係死罪 冇Encore既Encore係開心既，唱《面具》都係意料之外，成場最大感受係坐我隔離既，全部都係自己一個人入場睇， 證明中意王菀之都係好難識到同道中人，不過見到三面台爆哂，作為fans 都真係鄧佢開心既