1. 港鐵（66.HK）啱啱公佈舊年業績，純利157.7億，按年激增1倍！派息維持$1.31。 2.本地車務收入按年升14%，高鐵復常後，過境客「貢獻」唔少。大家成日高鐵北上，明顯益咗港鐵。 3. 雖然話乘客量回升，本地客破19億人次，高鐵創2600萬新高，但打工仔日日返工逼到「沙甸魚」都未見加班次，但票價就不斷加，2023年加完價，2024年又袋多14%車費收入。年年凍薪？唔緊要，港鐵照樣加價先。 4. 賺錢本應值得一讚，但港鐵成日出事故，啱啱2月先東鐵線工程車傾側搞到服務癱瘓5粒鐘；乘客日日朝早逼爆月台、班次又唔夠準時；近年信號故障、閘門失靈、延誤罰款⋯⋯等事故頻出現。仲有，屯馬綫「遊車河」體驗會唔會優化？東涌綫車廂有時仲逼過旺角行人區會唔會考慮加班次？真係「市民焗住搭，港鐵笑住賺」。 5. 聲稱未來「投入千億」起新鐵路，但啲錢係咪真係用嚟 upgrade 服務？定係繼續起樓賺到盡？講到股息，明明賺多一倍，派息就照舊，真係「賺錢佢哋分，加價我哋啃！」仲話「出年可能再加價」⋯⋯喂！係咪應該搞掂班次同安全先呢？ any肥....呻完一輪筆者都係死死氣咁逼返地鐵.....