全客話ê活動「超級客家點心—牛搵水」 講師王湘仁先生非常用心， 這是為母語家庭準備ê內容， 內容真正足豐沛！故事安排袂siunn困難， 大人嘛會當學著新物件。 上感動ê就是活動進行中間， 有一位爸爸對囡仔講：「你嘛是客人你知影無？恁阿公是客人呢！」 實在予人足感動ê！咱就是透過食物、生活， 沓沓仔建立咱對台灣的認同啊！ 這擺活動真順利，主要使用客語、台語， 有意識講華語盡量減少，講師需要意志堅強， 做一ê海陸、四縣攏有通ê講師， 為著顧著現場四縣家庭， 一寡詞變做兩種攏講，雖然有淡薄仔hue， 嘛是真趣味！ 予人真感慨是，這款浸水式ê環境， 若逐禮拜做，哪有可能袂曉講客？ 真正足希望會當常態做落去， 但人真正歹揣，有意識閣適合ê老師、 願意開錢、開時間參加的人員。 非常感謝老師專工對新竹、桃園起--來， 雖然無法度一直做落去， 猶原予逐家一場真好ê體驗。 承蒙先生，正來寮！（這句我上會曉🤣，逐擺上課攏愛用著） 2025/3/30閣有一場講故事活動歡迎報名！