Cls 好耐冇發過咁逼真嘅惡夢 咁本身就同媽子住酒店，咁正常瞓着咗啦。冇幾耐feel到床尾有嘢望住就醒咗但鬼壓床迫住我望個個方向，以我多年鬼壓床經驗就知係冇嘢咁就迫自己醒返再瞓返，而途中嘅「醒咗」都有同媽子講嘢而媽子就話冇事不過出邊好似有人不過叫我瞓返。冇幾耐又feel到有嘢又係床尾望住自己而自己又鬼壓床迫我望個個方向，咁我平時都係成日發生呢啲野嘅人就覺得好正常而且媽子係我隔離所以再「醒咗」後又同媽子講下嘢，但係媽子竟然又話出邊走廊好似有人。但係件事再發生第三次就知唔對路，咁正常鬼壓床都可以細細聲講到野所以我就叫媽子打醒我。之後恐怖嘅事就嚟了，媽子就話可以但又話出邊有人不過都企係我隔離幫手，但係我隻眼鈄望過去發現媽子竟然係全身黑色唔係人嘅外形。當時我仲以為係角度問題加熄燈所以外形會有啲古怪先唔懷疑，但酒店張床係隔離行過嚟叫醒我嘅時閒加埋唔過30秒而個個黑影keep住係我隔離原地跳嚟跳去靠近我，我就知賴嘢，個下用盡我畢生所有力抬高手強行醒咗先至真正起身。起身後第一時間確認係咪真醒咗，媽子係咪真係媽子，而家嘅感覺就係唔敢再瞓成身起雞皮出冷汗仲要不停喘氣。真係cls