最近李珊珊接受訪問都引起唔少人討論。雖然學校成日教我哋人嘅內在美先係最緊要，但無論啲人嘅態度係正面定負面，其實大家講到底都係集中講佢身形同外貌嘅變化😅 喺訪問度，李珊珊提到當年拍「玩蛇廣告」原來係佢本人嘅idea。我覺得相較甚麼引人犯罪，個廣告更似係一個樣靚身材正嘅港姐冠軍喺「全盛時期」嘅自我挑戰。事實證明呢個決定係好啱，佢喺葉青霖嘅鏡頭底下，不但展現出何謂性感，更明確定義性感就係性感，性感唔係妖冶、賤、俗、cheap。 雖然如今佢嘅外表同身形已經不復往日，但呢個始終都係一個紀錄。以奧運比賽為例，我哋總唔能夠要求一個奧運紀錄保持者去到四、五十歲都仲有創紀錄嗰陣嘅表現，但起碼都算係（暫時）後無來者。如今佢勇敢面對網民，對其他病友嚟講亦係一個鼓舞同祝福，真心佩服佢嘅勇氣！ 當然，「好襯青春留倩影」唔識用於所有人，例如惠英紅影嗰啲濕鳩全裸寫真就真係搵鬼睇。我諗如果我玩真心話大冒險輸撚咗要接受大懲罰，我會寧願睇李華月寫真都唔想睇惠英紅寫真😌