認真再寫多一篇唐探1900觀後感 本身都係當 IP 作消費，純粹抱住「睇完算」嘅心態，冇諗過會有驚喜，但睇完真心覺得，呢部戲係近年唐探系列最成熟、最有誠意嘅一部。 開場已經好有電影感，舊金山唐人街、華工、排華法案，將歷史包裝成一部喜劇懸疑片，表面笑吓，但愈睇愈覺得背後嘅悲劇感滲出嚟。最尾嗰場戲真係頂級，發哥最後個場法庭戲可以話係全片巔峰，嗰段英文對白太強，完全係用演技將角色 elevate。發哥個紳士氣質真係無得輸，佢一出場就知揀得啱。 節奏上冇冷場，懸疑感雖然唔係頂級反轉，但夠緊湊，笑點亦 keep 住有驚喜。而呢部戲「政治感」遠低過想像，網上有人話「愛國宣傳」，但實際上係用喜劇包住悲劇，重點唔喺政治，而係歷史。 如果你同我一樣，一開始對《唐探1900》無 expectation，建議你比次機會，可能會有意外收穫。