一月頭已經係M+睇咗 看我今天怎麼說 。到咗正式公映決定睇多一次。二刷主要原因係睇呢套戲令我喺內心有種強力嘅喜悅感，可能就係子信所講嘅好有feel。 今次睇多一次令我更加感受到人最開心係可以選擇。 素恩選擇唔再生活係母親期望佢可以如「正常人」生活，加多兩倍努力可以追到，重新搵返自我身份認同（pride）及活得自在。 同時Alan亦選擇樂於利用人工耳蝸去fulfi11 佢嘅理想工作。佢喺籃球場嗰段嘗試除咗人工耳蝸，你可以見到佢其實係好不安嘅，即刻戴返佢，亦都係佢嘅選擇。 尊重永遠係建立於respect others preference,as you will not understand other's stance. 好多人細個被灌輸fit in 社會上定義嘅「正常人」，因為咁樣嘅路會易行啲。 我哋好多人都係素恩個角色搵到自己嘅影子，會好羨慕子信嘅勇氣，覺得佢嘅想法同由細到大被灌輸嘅觀念好唔同。每日問自己可唔可以好似子信咁有勇氣。同一時間，我亦認同Alan 所言我哋其實比其他人幸運，都努力咗咁耐點解要放棄。 兩邊都需勇氣力量去堅持同execute。問心無愧同忠於自己選擇已經足夠。