事隔被詐騙半年有多，反而想講下心路歷程同現況。 除咗返正職，我仲返多咗兩份兼職，另加有時會接一d freelance job嚟做。呢4、5個月嚟，我真係有得真正休息嘅時間係上個月嘅初一初二😂其他時間都係返工。 仲記得比人詐騙完，我喊苦喊忽咗一兩個月，間唔時都打去d輔導熱線到搵人喊同傾計（好有用 次次我都舒服咗勁多），呀係，我屋企人同朋友係無人知道呢件事，佢地剩係知我有一排好唔開心，但我唔肯講咩事😂 心態同行為模式上我自覺改變咗好多，我以前消費唔會太睇價錢，但而家每用一蚊我都會諗好多野：值唔值得買/有無其他更平嘅替代品等等。以前我都幾衝動，容易信人同埋覺得大部分人性本善😂但而家我會諗多咗，有人對你好或比好處你嘅心態或出發點係乜，識得保護咗自己好多，最緊要係我一d都唔夠膽再大想頭/貪心。打死都要自己記住：呢個世界真係唔會有咁大隻蛤乸隨街跳。