《唔好喊？》 早兩晚睇王苑之 @wongyuenb演唱會，期待已久一幕是與 @hinscheung合體的感情戲，Ivana忍不住抽泣。正當大家投入地期待演出，台下傳來觀眾大叫「唔好喊」，打破營造嘅情緒和氣氛，更影響演出。 喊，係情緒嘅表達方式；而舞台上嘅喊，可能夾雜不少演出需要。不論真假，喊對當事人同身邊人都有意義。作為一個推動情緒健康嘅專業人士，每次聽到「唔好喊」，都覺得非常反感，點解要壓抑別人情緒呢？ 有人不懂應付別人負面情緒，或自己容易受刺激，會壓抑對方喊，如父母叫喊緊嘅小朋友「唔好喊」，甚至再喊就打，通常小朋友會喊得更厲害！有人心痛所愛嘅人傷心，會安慰對方「唔好喊」，但無阻對方傷心… Ivana曾喺軒公演唱會讀完感人嘅信後，叫軒公「唔好喊」，怕他影響表現，咁係關愛嘅提點。唔知嗰晚位觀眾係基於以上原因，定係搏取關注，還是真心膠，當晚不論讓Ivana表達情緒，還是劇情需要，都唔應該叫「唔好喊」。 面對別人喊，大家可以比啲空間佢，陪伴、聆聽就已經足夠。如果自己應付唔到，timeout一下，讓對方喺安全嘅情況下渲洩。 #情緒管理 #點解唔好喊但可以笑 #註冊臨床心理學家趙思雅