荷爾蒙斑 一直屬於比較難處理嘅色素問題，目前為止荷爾蒙斑都係一個好難判斷嘅症狀，但客觀嚟講，比起一般曬斑/雀斑，荷爾蒙斑係一達達，冇一個好明確嘅邊際，如果用手拉開皮膚，會見到底層有啲色素 療程不外乎外敷內服做儀器，今日先講療程 1. 高能量儀器，例如彩光激光 以我過往經驗，彩光或者激光呢類光熱效應嘅儀器，如果係想Target荷爾蒙斑嘅黑色素，成效真係好靠彩數 原因係荷爾蒙斑底層嘅黑色素母細胞（黑色素嘅老母），係一啲好活躍，甚至好憤怒嘅細胞，好容易經過刺激就分泌更加多黑色素去保護皮膚，所以接受完呢啲光顯效應嘅儀器之後，荷爾蒙斑有機會變得更加嚴重 2. 化學換膚 有控制地清除表皮層色素問題，會額外配合電動微針，俾化學換膚準確咁到達底層有黑色素嘅部位，避免因為熱能刺激黑色素母細胞嘅反應，一層一層改善色素問題 但紫外線係荷爾蒙斑最大嘅敵人沒有之一✨ 有客人一年keep住做療程，荷爾蒙斑已經控制得好好，開心嘅佢有一個weekend帶住小朋友去海邊曬太陽，完全冇搽防曬，兩日之後返嚟即刻搵我，面上嘅荷爾蒙斑返返嚟，所以荷爾蒙斑第一線治療一定要 搽 好 防 曬 ！