震撼教育系列之臨床副作用 做咗幾年，一直都要跟蹤客戶喺臨床上遇到嘅副作用 例如脫毛/彩光 度數開得太高，唔識得睇皮膚反應，猛追教書級別嘅臨床終點，忽略皮膚特質 最後燒傷皮膚，一個又一個同治療頭一樣形狀嘅黑色印喺皮膚上 一般美容院/醫美診所為防止情況發生，通常都會各種手法，例如限定治療師可用嘅度數， 但為咗慳成本，就唔俾治療師跟足廠商指引準備皮膚，造成灼傷… 有咨詢師為咗跑數，不理治療師/客人實質情況，唔得都講到得，最後客人辛苦，風險提高，治療師唔敢得罪咨詢師夾硬做，臨床上已經見過唔少冇跟足指引造成副作用嘅個案 試過有海外醫生打laser太近對眼，造成客人視力損失，問我哋點算好，但其實所有激光療程都已經提咗一定要帶安全眼罩，唔好做咁接近對眼，只能夠怪當初點解唔聽廠商指引… 近排做咗一個小手術，思前想後咗四年，睇咗七個台灣醫生，四個香港醫生先決定去做，最後手術成功🥰 過程除咗考慮價錢，同手術醫生嘅合拍程度，診所護士/醫生回覆速度，最重要係考慮診所嘅責任心，做衰咗/有任何疑問/任何副作用，究竟診所有冇經驗同責任心去承擔呢件事，先係我認為最值得花費嘅地方❤️✨