就如游學修咁講，首週票房對港產片好重要，特別係一啲小眾題材/好難入屋嘅戲就更加受影響，好彩買到啱啱星期日睇謝票場✨ 想記錄翻少少 看我今天怎麼說 （好似含劇透🙂‍↕️ 1/ 想讚一讚呢套戲嘅聲效，素恩畢業禮嘗試同朋友chitchat嗰幕，嗰幾十秒極高頻率刺耳聲音，其實聽到我皺眉頭好唔舒服，但嗰刻瞬間「體會」到原來戴咗人工耳蝸就係會將所有聲音炒埋一碟，辛苦到想離開下個世界，成功令到觀眾（至少我）代入理解多咗角色嘅處境。 2/ 大排檔教手語嗰part，游學修打手語嘅時候專登無上字幕都好有心思，好似有啲我都變咗素恩POV，會好認真留意修雙手比緊咩動作，究竟講緊邊樣餸。嗰一刻，個世界同戲院都好靜，令到觀眾同素恩都好集中去「學手語」。 3/ 其中一幕好鍾意係鍾雪係天橋同Alan鬧交嗰幕。除低咗人工耳蝸嘅佢，聲線即刻高咗大聲咗，feel到佢逐漸搵翻少少身份認同。不過最深刻都係最尾鬧Alan嗰句「你講嘢難聽過粗口」係大大力咁用手語打出嚟，而唔係用口語，睇到嗰刻幾震撼，因為你感受到手語真正真正成為素恩語言表達嘅一部分。 Anyway睇到套好戲，仲要係港產片made my week🤌🏻