你真係鍾意佢？ 定係你純粹好想係你十幾歲個陣有一段轟轟烈烈嘅愛情故事 好想令到自己人生好似電影咁。 所以每一個係生命出現嘅人，你都當佢哋係角色Audition，睇吓佢哋啱唔啱飾演你幻想愛情故事入面嘅男/女主角 好喇，比你搵到一個人，幾啱Feel，又夠興趣肯同你試下扮落去，你就開始係腦入面，想佢跟你劇本走，想佢變成你心目中嘅主角。 你將你對愛情嘅幻想強加係佢身上，你想送嘅禮物Idea、你好想去嘅旅行，但其實呢啲係完全唔關佢哋事，純粹係你好想做嘅嘢。 你就好似個啲髮型師IG係咁搵Model試整頭、好似一間新餐廳不斷搵食客、一個新歌手好想要人聽佢嘅歌咁樣。 不過你係一個戀愛腦，你好想搵人承受你嘅愛。