我好少Subscribe YouTube Channel 但我有follow 一對韓妹網紅 佢哋有二百幾萬followers 就係Rudy 同Pongki(Rupong Family) 兩隻白色松鼠狗 大嘅係Rudy，性格善良 細嘅係Pongki ，少少邪惡，但超得意 兩隻狗狗性格各異 但相處融洽 我係佢嘅忠粉 佢哋一出片，我就會第一時間去睇 兩隻狗狗有個好錫佢嘅媽咪 今日佢哋咗一條片 睇完之後真係感觸良多 其實，Pongki 天生好多缺陷 身體器官好多問題 細細個就好多病 當時醫生判定佢唔會長命過三歲 但係佢媽咪真係照顧得佢好好 今日條片講到佢媽咪會將佢哋啲毛毛儲起 BB時期啲牙仔都保存得好好 細個時嘅腳印 兩個畫嘅畫 全家福合照⋯⋯ 為嘅就係將來佢哋唔喺度嘅時候 可以喚起一啲好好嘅回憶 其實我真係無法想像 佢兩個走咗之後佢媽咪會點？ 但係睇到佢媽咪差唔多將一生都奉獻俾兩隻小狗 其實好感動 有啲嘢我哋真係控制唔到 唯有盡力去做，減少自己嘅遺憾同埋後悔 我覺得佢媽咪做到 可能做人真係要盡人事知天命 介紹大家睇吓呢個Channel [The Soy] Rupong 真係好得意㗎