而家啲大學，通常唔會教得咁純粹，大部份時間你都係讀緊啲自己冇太大興趣嘅嘢。例如我，經過完大學洗禮，我對art已經失去咗興趣，明明art人係跟足我18年嘅tag嚟。唔舒適嘅唔係你讀maths，而係你嘅環境本身。 或者你可以讀啲有關數學但唔完全係pure maths嘅科，undergrad嚟講，鍾意phy可以讀engin先，鍾意maths可以讀住financial maths（所以我同意qfin）先，咁樣通常又有工，又冇咁容易喺早期就磨滅晒自己對呢一科嘅興趣，然後開始質疑自己。跟住再讀個Master，Master讀得專啲，啱口味多啲，通常會少啲懷疑人生嘅🤣 我男朋友，最大興趣係數學，其次係物理，但係佢都係揀咗去讀醫，收咗，讀醫其實自由度唔高，於是佢quit去報engin，佢完美避開晒所有會磨滅自己對數學以及物理興趣嘅東西。可作你參考。 我個人認為能力同埋天賦並唔係遠航嘅主要燃料，最重要嘅會係熱情。所謂熱情，其實通常係建基於你最擅長嗰一科，所以熱情可以培養，亦都可以漸漸失去。 然後通常燃料冇晒嘅時候，個腦就會淨係得返想揾錢想搵錢想搵好多錢呢一個出口。然後就唔會再鍾意呢一個科目。