主題看似沉重，但用咗輕鬆友情小品嘅方式呈現，由一個個開朗真誠又活潑嘅角色互動切入，大小演員個個演技貼切，好有驚喜，令人瞬間入信，投入劇情。親情、友情、愛情、歸屬感，描述細緻有溫度，不落俗套。有笑，有淚，有感動，有糾結。 天台手語自我對話，同海底同海邊情景，有《狂舞派》舞動時嘅奔放，用動作嚟表達同敍述，推進情感，唯美自在，畫面有啲小清新，幾signature。 呢啲都中和咗主題同被現實壓迫嗰份沉重，令故事可以輕盈啲。