趁未唔記得要用文字記低呢段去日本學習皮藝既旅程。應該係每個對皮藝有愛既人，都會想去日本見識皮革職人既工藝同埋參觀佢地既工作室。而我都係一樣，揀左係2023年3月既櫻花季，去跟一位老師學整一個經典既doctor’s bag，同時都係我第一次去東京。記得當時一開關，機票住宿都好貴，加埋學費、材料費，都有少少肉赤，但最後好慶幸有嗰陣時既一時衝動，成為左最珍貴既回憶。因為而家移居左去多倫多，面對呢邊既壓力，未來都唔可以咁任性咁飛去日本stay接近一個月。 (圖2-4)老師既作品全部都係手縫，隨便一個都可能需要用數十日或以上去完成一個作品，但中間花左既時間係為左令作品更完美，令佢係可以用一世既皮件。雖然可能唔會個個人都理解呢件事，但呢種應該就係職人既浪漫。 另外係佢既工作室超級整齊同佈置得好靚，希望未來係加拿大都可以重新有返自己既工作室。雖然以上我都只係學到少少，但見識到過後真係知道自己太渺少，需要學既仲有好多。 留言續