繼上年後，今年再一次成功睇到極光 上年一月去咗挪威旅行，當然旅程嘅其中一個主要目的已解鎖 - 如願睇到北極光 去之前嗰幾個月不斷喺網上搵資料度行程，喺搜尋極光，Aurora資料嘅同時就發現，挪威原來有一位同樣都叫做AURORA嘅女歌手 係我太遲，一直好少留意依家新歌同樂壇嘅我，2023年先認識並聽聽呢位已經出道咗超過十年嘅女歌手啲歌究竟係點 接觸過佢唱嘅歌寫嘅作品，覺得越多聽就越有味道，越聽越上癮，加上每首作品內容都好有意思，而佢嘅聲音係散發著一種靈氣，當然講出靈氣，空靈呢啲字眼出嚟又真係幾抽象下嘅，或者簡單講呢啲就係叫啱feel，聽出有共鳴嘅感覺吧 好開心能夠成為佢今年喺香港演唱會嘅其中一位觀眾 吾知慶幸定吾慶幸，依家搶咩演唱會飛都難嘅時代，就係因為佢喺香港呢個地方吾夠紅吾夠Hit，先可以輕鬆買到飛，能夠現場欣賞到佢可剛可柔嘅唱腔以及獨樹一格嘅肢體語言動作同台風 不過，望向身邊觀眾，個個都係年輕人，但斷估我都吾會係整個場最大年紀嘅一位Fans卦 無記錯嘅話，睇女歌手嘅個人演唱會，應該係第一次 另外，終於儲齊佢五張專輯了 呢一晚嘅極光之旅我希望好快再有機會睇到