🧀$140 3件鐵板漢堡扒 + 白飯，西蘭花，蜆肉湯 任添 🧀見住待應們一刀一刀切牛肉，再打碎，磅重，整成漢堡扒，所以啲漢堡扒係認真新鮮，再喺你面前煎熟。 🧀漢堡扒總共有3種款式：原味/芝士/磨菇 🧀我最中意芝士嗰隻，用左2種芝士，舖喺漢堡扒上面嗰塊有半融的口感，待應喺你面前砲嗰隻碎碎就好重芝士味，個味道剛好，唔會太咸，就咁食唔洗點醬。 🧀磨菇味最多配料，真係一塊塊磨菇，用醬汁包圍塊漢堡扒，食落個磨菇汁幾香，有啲香草味，唔錯。 🧀原味的話，十分建議要點醬，佢有成8款醬汁，個人最推薦奧羅拉醬，甜甜地的蛋黃汁味，同埋洋蔥汁，酸酸地幾開胃。 🧀另外一讚嘅係佢個蜆肉湯，味道清清地，唔會太淡或者太鹹，最驚喜係每次甜湯都有三粒蜆肉，好足料。 #肉肉大米 #香港美食 #沙田 #漢堡扒 #和牛漢堡 ❣️肉肉大米 (沙田) 沙田沙田正街18-19號新城市廣場一期1樓108號舖