今日嘅Alan，喺聽人嘅世界越係游刃有餘，對融入聽人社會之中呢件事有幾執着，未來萬一面對突如其來嘅變化時，受到嘅心理衝擊可能會更大。 幾次除機時嘅徹底安靜，喺海邊，喺大排檔，素恩視角嘅安靜，都係安心。但Alan視角嘅安靜，喺球場嗰次，靜默氣氛中有啲不安，只有佢獨自望住好多人，無聲嘅時候，有少少焦躁、孤單。 靜默前嗰句「過嚟一齊玩」喺有人工耳蝸嘅聽人世界先聽得到。無聲嘅世界裡，呢句說話唔關佢事。旁觀呢班陌生人繼續玩，連籃球聲都聽唔到嘅佢，完全喺局外，融唔到入去咁。 平時好似好擅長社交嘅佢，嗰一刻就好似失去咗原本嘅自己。 同聾人一齊喺沙灘玩集體遊戲嗰時唔同。 於是佢再次帶上。 呢個先係令佢安心嘅世界。 呢個先係佢。