5.5/ 我決定做返FTM原因之一，係因為當時差唔多時間要上小學，其實我非常擔心佢小學適應，S位會有半個學期的小學適應周，其實已經好好，仲有家長講座講下小學係點。其實我同爸爸都唔係好記得當年點樣適應小一，記憶已經好模糊。因為小朋友智能評估結果只能入讀主流，但係我覺得佢嘅能力唔足以應付主流嘅社交同埋聽課，所以我壓力其實好大，咁不如辭職去一齊同小朋友努力。 另外想講下S位入面有好大部分媽媽都係FTM，佢地真係犧牲咗自己嘅事業同埋私人時間去照顧特殊需要嘅小朋友，真係好欣賞呢啲家長的付出。我自己因為小朋友係家長面前的表現會差好多，所以傾向得閒都唔會去，不過發現原來陪伴同埋見到同學有家長陪自己都希望有嘅心態係好重要，無論我小朋友定係其他同學見到自己家長黎上堂都會好開心，好彩最後半個學期都可以陪小朋友一齊。