富記麵家： 去到港島做嘢但想食平啲又稍為食清啲（減肥中及貧窮的我狠狠將拉麵選項拎走），就去富記食個米粉 牛腩黑白墨丸米多青（$59）：本身我內心係想食墨丸多啲，諗住搭少少牛腩，嚟到發現相反了，不過唔緊要，排牛腩見到都開心！ 牛腩肥瘦配搭得不錯，每舊都一分肥九分瘦，但食落夠淋唔會嚡又唔會韌，食完牛腩沒有痴牙罅。雙拼黑白墨丸加$10，獲得一黑一白墨魚丸，但係係好食嘅！墨魚丸墨魚香夠之餘都算彈牙，黑色嗰粒真係明顯食得出唔同味，真係有啲墨味，我最初以為只係純粹唔同顏色 結論：經開灣仔想食魚蛋粉類食物可一戰，專登搭車去又暫時未需要 Btw見到同檯有食客叫四寶菜底加油菜全走，人哋呢啲先係真減肥😭即刻覺得我呢啲係假減肥😭 灣仔美食