親人報夢分享 前年三月去左拜阿姨，當年同阿姨發生左啲事，解開左心結鼓起勇氣係佢墳前道歉。由於阿姨好後生走，佢啲喜好同年青人一樣，所以我係紙紮鋪買左大量零食燒俾佢。 大概係十月下午5時，淺睡時朦朧間聽到阿姨把聲，夢入面佢講話原諒左我，仲同我講啲大陸零食唔啱佢食，俾左兩幅零食圖案我，示意我買俾佢食，同埋叮囑我好好照顧小朋友，知道我呢幾年生活。 醒左即刻同媽咪講，都證實左阿姨好鍾意食兩款零食，我事前係唔知道的。夢入面睇唔到阿姨個樣，媽媽就叫我今年清明拜阿姨，但搵左好耐已經搵唔到佢想要果款零食。 直到往年二月，又發夢見到阿姨，今次容貌好清晰，面色好好，一個清湯掛面頭髮，畫面係外婆屋企，佢同我講凌晨3點係佢活動時間，買唔到嗰隻零食唔緊要，由得佢。跟住又叮囑我小心啲，好易吸到污糟野埋身，話我個身有一浸泥味。跟住落左樓下過馬路，佢同我講「唔好睇條路咁多車，依啲車唔係俾陽人坐。」 畫面再轉，去返日頭，阿姨帶左我去拜神。 到依架都唔肯定係唔係阿姨，但醒果時有一種好溫暖既感覺。