「逸東小籠包」，$48 . 逸東軒好細心咁用個湯匙去裝住粒小籠包，等食客夾果陣唔會穿底流走晒d湯汁。食果陣先咬開個小籠包嘅頭，啜晒入面蒸出嚟嘅肉湯。再喺個頂度灌一小啖陳醋同薑絲入去，一口食晒佢，等舊肉餡嘅鮮味喺個口度爆發。薑絲幼身輕盈無渣，喺濃厚嘅醋汁同肉湯之間減少膩感。食完個小籠包塊皮唔痴底唔油膩，唯獨港式點心嘅搓嘅小籠包皮同北方小籠包嘅有所不同。如果你著重小籠包嘅皮蒸完出嚟要夠乾身同要帶麥香，可能要好家庭作業式嘅上海鋪先可以比擬。 . 總體嚟講，逸東軒嘅平日午市點心，喺中低價嘅市場嚟講的確相當吸引而且出色。佢相比普通酒樓或者點心鋪嚟講，對點心出品嘅水準係有要求。但喺其他菜式而言，佢嘅定價同菜式水平就有一定差距喇。 . 2020.12.08 佐敦逸東軒 (3 / 3)