與狼瘡共舞 （二） 病房趣事 今次入院住內科病房 醫院嘅內科病房同老人科擺埋一齊 所以圍住我嘅都係70左右或以上嘅老人家 對面床個婆婆92歲、勁好中氣，岩岩係度鬧個囝幾廿歲人仲瞓佢張床，要問姐姐借掃帚攀個囝走😂當然姐姐無理佢（婆婆有老人痴呆） 隔離再隔離個婆婆不定時又隨時只要佢想就會大叫姑娘：「換片」一係就「好痛」一係就「救命」😂係要姑娘圍住佢時間表轉嘅 除咗佢兩個，其他婆婆都好安靜嘅 有兩個婆婆就比較重症，應該都過90歲，插住好多儀器，有23小時都係瞓覺狀態嘅（佢哋都令我對生命有深度反思） 前日有個大我少少嘅女床友入院，佢諗住去捐血，點知check到血色素偏低，叫佢即刻入急症 上左黎病房就被輸血。（捐血變左被輸血嘅故事） 我個病房都幾歡樂😆 醫生用藥後我終於無再低燒啦！個人都無軟瀨瀨，有番啲氣力，希望聽日做埋個檢查就快快出院啦🥹