醫美行業所見所聞 （總結前文sss篇） 1. 幫產品做講師嘅醫生技術唔一定最好，唔係導師級別嘅醫生技術可能令你有驚喜 2. 好多人以為提拉緊緻係自己嘅首要項目，但係其實改善膚色同膚質係年輕化CP值比較高但好多人忽略嘅走向 3. 最紅嘅療程效果唔一定最好，但係擺落marketing嘅錢一定數一數二 4. 揀醫美診所唔係睇價錢，係睇診所或者操作員嘅經驗/美感，對副作用處理嘅反應速度同做法 5. （你可以覺得係廣告）改善膚質CP值最高嘅療程係電動微針，因為首期咁貴嘅皮秒蜂巢試過，CO2 laser(個人最愛，但恢復期最長）試過，價錢wise,恢復期同效果嚟講，電動微針效果係CP值最高 6. 唔好妄想透明質酸可以做全面拉提，透明質酸可以少量地填滿凹陷嘅位置，例如夫妻宮，小小小小淚溝，就算打咗溶解酶都唔一定溶解得晒 7.打針賺錢最快，所以市場會越嚟越吹捧，但有啲狀況真係需要儀器幫手改善，打針係取替唔到 8.療程只係輔助，日常生活習慣先至係保持年輕嘅重點，食多啲菜做多啲運動早啲瞓，返工嘅嘢唔好太上心，比太大壓力自己，搞到殘晒，再去做療程，簡直係職業勞損