去台灣做培訓，醫師問咗好好嘅問題 「假設我手上已經有晒全宇宙嘅武器（儀器針劑）點知幾時用邊樣嘢好？」 相信唔單止呢一位醫師，好多同行都會有呢一個想法 衰老係一個全方位嘅過程，包括皮膚，骨骼，肌肉，脂肪，作為操作員要識判斷到唔同嘅衰老狀況/靠儀器或者產品可以改善到咩程度 例如大家成日講提升/拉提/緊致: 以今日嘅技術，用高能量療程去拉提緊致，有效嘅定義係維持年輕，能夠做到輕微改善已經會定義佢為有效（反地心吸力喎） 但逆轉年齡，尤其眼袋/下垂（已經持續咗一段時間嘅狀況），手術會係最有效長久嘅方法 反而好多人忽略嘅膚色/膚質改善，喺年輕化方面CP值更高 而家已經好多產品或者儀器可以以零/短修復期去改善膚色/膚質，膚色嘅改善（唔係超級白淨或者小麥黑而係均勻膚色）可以俾人一個乾淨明亮嘅感覺，配合膚質提升，甚至達到光澤感，更加比其他人一種年輕緊致嘅感覺，係臨床上好多客人同埋醫師都會忽視嘅項目 改善下垂衰老係一個長久而且花費較大嘅過程，亦都好取決於生活習慣 好嘅診所可以幫客人分析需要優先處理嘅狀況，而唔係盲目跟市場廣告，個個都要做啲好貴嘅高能量療程