一個香港裝修佬，六十幾歲人，嚟到英國本來諗住退休享受下人生，點知玩咗兩個月就悶到發慌，日日無所事事，真係頂唔順。咁啱有日行街，見到有間屋裝修緊，見工人有亞洲人面孔，心血來潮，行埋去八卦下，睇下佢哋請唔請人。點知一開口就係講廣東話，即刻一拍即合，傾咗幾句，第二日就返工啦。 原本諗住嚟英國hea下，點知轉個頭又撈返裝修，仲一做就做咗接近兩年！