突然好多關於鋼琴Po 我又想分享下以前學琴嘅老師 因為搬屋轉新老師 一開始跟佢好地地 但之後差唔多堂堂比miss勁大聲鬧 唔係普通咁鬧 仲會講咩垃圾 我都做到你做點解做唔到 類似嘅說話 堂堂都超燥 雖然我知我廢 有時冇練野 我又唔係唔鬧得 但呢個係真誇張… 就咁跟左佢有3年 鬧足3年 開始好怕上堂更加大壓力 惡性循環開始 每次上堂好似要睇佢心情好唔好… 其實都有好嘅 記得有次就復活節 上堂前俾咗個復活蛋我 佢真係笑足上成堂… 我嚇親 最後有次 咁啱老細係出面 鬧我大聲到佢聽到 老細逼我轉老師 我仲話唔洗喇 冇事嘅 之後發現新老師好好人 第一句同我講 你冇佢講到咁差 都ok 呀 最後轉老師後 都叫勉勉強強考埋8 後悔個時唔識主動轉 可能真係唔夾 我又做唔到佢要求 但鬧同時又覺得 咁又逼到啲野出黎… 好矛盾 不過學野真係搵夾老師好重要…