關於一個香港女生跑咗去日本參加台灣嘅雪訓團 終於完成咗5日4夜嘅冬季赤岳雪訓 好多感受都難以言喻 呢次旅行其實喺由香港飛去日本之前已經開始咗 要準備嘅嘢好多 包括體能、心態、裝備、食物等等 途中一直都遇到唔同嘅問題 點著先夠暖？ 排汗底層唔著得heat tech 嘅話咁應該要買邊款？ 中層羽絨要睇fill power 定fill weight? 要買化纖定鵝絨？ 內外手套要點揀? 睡墊R值要幾多？ 睡袋邊個牌子最好？需唔需要帶埋加溫內膽？ 水袋會結冰咁熱水壺邊款先又輕又保到暖？ 硬底鞋要買B2定B3? 鞋要買大半碼定一碼？ 行動糧要帶幾多先啱啱好？ 乾燥飯邊款又好食又夠飽？ 太陽眼鏡防曬系數至少要有幾多？ 呢啲問題一路以嚟參考咗好多唔同山友嘅經驗同埋教練嘅解答 得到咗好多幫助 同時間一直透過跑步、踩樓梯機同行山鍛練自己嘅體能 做好呢啲準備先稍為有信心出發 . . /待續/