分享一間同朋友食咗三分一已經想停手嘅Seoul Noodles🤡我就完全唔識欣賞，留返比識欣賞嘅人幫襯 三個人叫咗一個Combo for Two（$328），一個Noodle Combo（$98），因為想試晒所有嘢，所以餐都跟兩隻味餃子、飯卷、菜包肉 加$10嘅辣牛肉湯麵（含牛肉絲），湯底辣味普通，都係即食湯麵啲fd啲湯咁，辣牛肉絲勁嚡勁硬又乾，嚡過煲湯豬肉好多倍，刀削麵煮到好淋好爛，有一部份淋到撻埋一舊（淋到我食完google下，究竟係咪淋先啱，結果睇到店主專訪話想整到啲麵彈牙有咬口🫠） 朋友個牛骨湯麵嘅麵都係好爛，飲落無乜牛骨湯味，佢話之前食過灣仔店無咁差 佢跟一個薏米飯，但個飯係又凍又硬，講緊唔係粒粒分明硬，係撻埋一舊硬，食咗兩啖已經想放棄 迷你紫菜包飯普通味道，有少少麻油味，僅此而已 兩款大餃子，係好大隻，係好多菜餡，但好味又唔算，只係普通級別 爆字，留言續 尖沙咀美食