/承上/ 第2朝喺山屋食完早餐就揹住18kg背囊出發 重裝雪地健行就要學識點樣行先比較唔容易跣倒 呢1日要由八ケ岳山莊行8公里到紥營地點 多得台灣女生一直沿途發掘小確幸 就好似路上見到嘅雪花、小鹿嘅腳印、陽光灑下嘅光影 所以唔經唔覺就攀升咗860米嚟到行者小屋前嘅紥營地點 雪地開營係一件好辛苦嘅事 因為身體冇咩郁動就會開始凍 就喺呢個時候我開始凍到唔係好思考到 有時企咗喺到發呆 但係學教練話齋 愈唔郁就會愈凍 所以都係用個雪剷努力剷雪 喺約-16度嘅環境下 iPhone 12凍到熄咗機（iPhone 16運作正常) 尿袋叉唔到電 連睡袋嘅電動充氣都唔work 點都好開完營全身都已經凍到不斷shivering 所以就開爐煮水溶雪整乾燥飯 可能係新買嘅蜘蛛爐關係 個爐氣體氣化得唔好成個燒著 好彩營友及時將個爐頭扔到雪地救熄咗個火 炊煮中途最重要嘅大概就係要幫個瓦斯罐保暖 譬如要一直淋熱水落個瓦斯罐到先可以保住佢氣化穩定 食完晚飯先到戲玉 匿入睡袋開展人生入面最漫長嘅一晚 . . /待續/