Eggers 版《Nosferatu》，明明係部超陰森詭異嘅吸血鬼片，但個畫面靚到好似藝術品咁，黑白色調＋gothic 風格＋35mm 菲林，直接將個氣氛拉爆，IMAX 睇完真係有少少 PTSD。 美術、服裝、燈光、特效全部高質到癲，CG 同實體化妝融合得勁好，Orlok 個妝真係有夠 creepy，啲場景又陰又冷，直頭 feel 到陣霉味，成個十九世紀歐洲 vibe 超正。 Lily-Rose Depp 今次真係癲咗，戲份超重，個角色又邪又靚又慘，勁帶感，完全係靈魂角色。Willem Dafoe 出場直接救活後半段，冇佢可能會悶一截。反而 Bill Skarsgård 做 Orlok…… 唔係話差，但好似差咁啲嘢，冷漠就有，但冇嗰種悲劇感，成個角色睇落比較單一。 劇情就冇咩爆點，基本上係《Nosferatu》+《Dracula》再加少少 Eggers 風格，對白寫得幾靚，有啲文學感，節奏都 OK，雖然中後段有少少拖，但冇悶場。 總結：畫面勁靚、氣氛夠 creepy、演員有發揮，睇大銀幕值回票價，鍾意 gothic horror 嘅一定要睇！