/承上/ 身體一直發抖到連啲肌肉都開始攰 以為就嚟捱到朝早6點但望吓手機先發現經歷咗咁耐都仲係夜晚11點 結果凌晨3點鐘幾經掙扎離開睡袋去完個廁所返嚟著返晒所有保暖衣物先勉強瞓得著 去到6點起身煮早餐 發現所有護膚品防曬都結晒冰 隔離營友嘅打火機都撻唔到 所幸隱形眼鏡冇結到冰 上過8000米高山嘅教練都同我哋講噚晚特別凍 因為咁啱遇上寒流所以起碼-20度 呢個時候有團友腳趾痛 原來係2nd degree frostbite 後來要入院做高壓氧治療 所以雪地保暖其實有好多細節要注意 譬如喺負10幾度環境下裸露皮膚揸冰斧不出幾秒就會凍傷 譬如腳貼暖包需要氧氣先會發熱所以喺鞋底嘅暖包其實都唔識發熱 譬如對鞋如果濕咗會大大增加frostbite 風險所以防水好重要 另外亦都要識得處理frostbite避免惡化同二次凍傷 東京會睇frostbite 嘅醫生亦都唔多 所以出事嘅話要盡快問山屋職員拎醫生contact避免延誤就醫 有啲山屋亦都會有山岳醫生駐點 . . /待續/