噚日，大假第一日，心血來潮，諗住試下寫篇串文上 Threads（第一次啊），講下移民英國之後嘅心情同經歷，順便分享下喺英國再做返本行嘅過程，仲貼埋一張師弟幫我影嘅相。估唔到脆友們反應咁熱烈，完全出乎意料，短短一日竟然有 35 萬人睇過，一萬人俾心心，370 人留言，呢個結果真係完全估佢唔到。宜家個心都仲忐忑忐忑，脆友們，真係多謝晒你哋！