HA GO蝦膏隱藏用法，你一定要知‼️ 雖然唔希望用到，但一定要知道！ 話說我有定期覆診， 以前係瑪麗連埋去到俾錢排隊+睇醫生+拎藥， 冇返三五七個鐘真係唔使旨意走 次次睇完醫生9衝去藥劑部俾錢拎飛 次次都排緊百幾200個籌 真係想喊出嚟 後尾醫管局有呢個藥物速遞服務 真係病人福音 雖然要收錢 （如果冇記錯應該係$65/次） 可能你哋覺得有啲貴 但係對於我呢啲住得又遠 泊車錢又貴 我寧願慳返兩個鐘 用HA Go方法如下： 複診前兩個鐘喺app撳定繳費 準時到診 （好多時候一去到就會嗌名到我） 睇完醫生出咗藥單 就喺個app度撳藥劑部▶️拎籌▶️撳下方藥物送遞服務 不過記得屋企要有足夠嘅藥物等一晚 第二日順豐哥哥仔就會送藥物上門 喺app度有個密碼話返比送貨哥哥聽 咁就輕輕鬆鬆收到藥物啦 我試過最快一個小時內可以睇完醫生離開醫院