懷孕第五至六個月 — 被家暴✊🏻 到孕中期了 終於有返胃口，孕吐消失得8899 情緒都穩定左點，皮膚狀態都穩定左點 又開始返社交🙂‍↕️ 工作上開始搵到個喘氣節奏，成個人無咁攰 開始感覺到胎動，感覺好神奇🥰 有陣時篤吓肚皮某個位置，佢會跟住踢果個位置 亦試過因為我咳到甩肺而感覺到佢發脾氣踢得特別大力 互動多左，感覺更加真實 亦都夠周數去照結構 見到呀b既樣、手仔、腳仔、慈姑仔🤭 咁啱又捕捉到「家暴」既現場 不斷出拳同批踭我😂（有片為證） 但果刻非常感觸🥹幻想到第時一齊去做運動 各位孕中期既媽媽有特別感觸既場景嗎？ #懷孕紀錄