好記得第一次聽你嘅歌 係小學等緊巴士果陣 同學問我有冇聽過方大同啲歌 話佢喺電台聽到覺得好好聽 然後播咗橙月呢個album俾我聽 細個唔識分乜叫好音樂 只係單純覺得 你嘅作品聽落去好舒服 莫名地吸引到自己 自此開始 就會留意你嘅作品 細個完全唔明白啲歌詞咩意思 到後來慢慢長大 開始感受到你作品當中各式各樣嘅愛 有純粹、有熱烈、有求而不得、有灑脫、有堅定、有迷惘、有青澀、有卑微、有希望。。。 聽 紅豆 令我對細水長流生活產生咗迷迷糊糊嘅嚮往 聽 三人遊 令我認識到咩叫做愛而不得同埋成全 聽 愛愛愛 令我感受到對愛嘅希望同期待 聽 好不容易 令我知道原來搵到一個愛嘅人係幾咁奇妙、不可思議 聽 特別的人 令我明白即使相愛係要有好多嘅忍耐、諒解 但果一位special one 會令自己愛得甘之如飴 聽 沒啥好說 令我學識緣起緣滅無法控制 唯有go with the flow 初聽不知曲中意 再聽已是曲中人 「再會我的愛 終究會釋懷 再會的那天 我心還在 回憶把我們留了下來」 RIP my favorite soul boy 多謝你令我知道咩係愛 願你喺極樂世界再沒痛苦