由2006年叱咤四小強開始認識你 你嘅音樂就一路陪伴住我日常19年 你出嘅所有專輯黑膠碟我都有齊 “Orange moon”係我最鍾意嘅專輯亦係我最喜歡嘅一首歌 “15”係我第一次同一個演唱會會睇兩場 甚至冇買飛嘅第一場都去咗現場 就係為咗買有編號嘅黑膠碟 望住你一年比一年瘦 之後仲要退居幕後 以為你身體唔好休息夠 儲夠能量 就會再出嚟繼續向世界發放你溫柔同埋愛嘅力量 報道話你病咗五年 諗返轉頭19年你突然開巡迴演唱會 係咪當時已經知道自己身體有事 專心投入治療之前 用盡你當時嘅能力去享受舞台同我哋分享你嘅音樂 你唔係淨係有才華 你係由心血靈魂入面喜歡音樂 我成日都話你啲血液應該入面都有音符 好多謝你一路以嚟帶俾我哋充滿愛同埋教識我哋溫柔嘅音樂 好多謝五年前你帶俾我哋最後嘅舞台 同埋你生命結束之前帶俾我哋最後呢張專輯 多謝你嘅音樂 亦都多謝你嘅存在 Forgive you being be the one who said goodbye See u in orange moon 方大同Khalil Fong