C Placement Week 7 今個禮拜特別大壓力😬 其實好唔明點解supervisor要逼我做佢嗰套 例如個drug chart冇寫清楚邊隻ONS，咁我就諗住問個patient 咁當然佢哋唔會知ONS個名，所以我諗住用個簡單嘅方法，問佢哋係飲carton嗰隻定plastic bottle嗰隻 我個supervisor竟然話呢啲係jargon，叫我應該問個病人係飲大定細樽 講真對我嚟講所有ONS都係細樽，一隻200ml一隻125ml，病人點分大定細？而且佢哋淨係飲過一種，冇得比較邊隻大邊隻細 我問返個supervisor，佢堅持要我問個樽嘅size而唔係個packaging 其實紙盒同膠樽咁明顯嘅分別真係好難明好難睇得出咩？ 好唔鍾意佢成日逼我跟佢嘅方法，唔通學生就一定錯？ 見完病人要完成埋份note，要打返同佢傾過嘅嘢、plan、PASS、aim、仲有填返見病人之前未知嘅嘢 我supervisor話俾10分鐘我打晒啲嘢出嚟 中途又係咁問我幾時打完、打完未，係咁俾壓力我 其實你覺得10分鐘真係打得完咩？ 俾個unachievable嘅時限我，最後做唔到，又俾機會佢話我時間管理差🤡