唔敢再聽到你把聲 一諗起我就毛管戙 以後冇得再等你嘅專輯啦 全日個腦一直自動不停播緊回流 個腦入面響起咗你沙沙的聲音 唔敢睇唔敢聽任何有關你嘅嘢 但我想好好記錄此刻嘅心情 好多謝我嘅青春入面有你 好榮幸可以同你共存同一個時代聽到你嘅音樂 多謝你嘅音樂陪伴咗我無數時光 多謝你最後忍痛都完成埋最後嘅專輯 仲諗起你話為咗唱到高音所以食咖喱 你真係好愛音樂 我都真係好愛你嘅音樂 對唔住呀成日笑你去耕田 嗰時仲話等你出演唱會都唔知你唱唔唱到 （講笑咁講） 冇諗過竟然連呢個機會都無了 多謝你方大同 雖然我暫時冇勇氣聽你把聲住 但係2025嘅recap依然都係唔會少咗你㗎 一路好走 RIP 你只係去咗另一個地方開開心心咁生活 記得寫多啲歌 繼續做多啲音樂 等我哋去到搵你嘅時候可以聽住你把聲搵路