如果你睇過我寫俾你嘅嘢,你就會發現我寫俾你其實好行/9up,（至少大部份人都係咁 除咗嗰啲想講又講唔出口嘅嘢）因為其實我覺得件衫/啲字都係冰冷,而人係有溫度。所以比起寫落件校服 我更加想將對大家嘅情感留喺心裏面。喂Siri 不過其實最重要都係我唔想將呢六年嘅中學生涯無論開心、傷心嘅事囚禁喺呢件校服上面。呢六年嘅回憶應該係留喺心裏面,往後諗返起都會會心一笑嘅青春。而如果呢日我將一切都寫咗上你件校服度，咪顯得原來我哋嘅經歷喺呢幾十字裏面係可以呈現晒出嚟，我唔想好似咁樣，更加唔想寫完之後俾你哋望兩眼就放咗入衣櫃，不論我寫咗啲咩都好，請你原諒我冇喺校服上面「回味」我同你嘅過去。（如果你真係好想我寫，我會喺grad day整張進階版霎時感動作文卡俾你） 最後，有緣同各位相遇令我倍感幸福，不論愛我或恨我，感謝有你令我校園生活變得圓滿，多謝大家六年來嘅陪伴 有緣再會！